Hoërskool De Aar Leerder presteer by Argus

Elizca Bester, ‘n graad 9-leerder van HSDA, het in 2020 aan haar derde Cape Town Cycle Tour,ook bekend as, die Argus, deelgeneem.

Dié wedren is die grootste eendag fietswedren ter wêreld met 35 000 fietsryers wat aan die wedren deelneem.

Elizca se uitslae is as volg:

• In haar wegspringgroep van 461 fietsryers kom sy 52ste.

• In haar ouderdomsgroep (sy is slegs 15 jaar oud) van deelnemers onder 17 jaar, kom sy 10de uit 29 leerders.

• Haar gemiddelde spoed was 24 km/uur.

• Sy voltooi die 109 km in 4 uur 36 minute, ‘n volle uur vinniger as haar tyd van verlede jaar.