Die skaakspan van Hoërskool De Aar het hierdie naweek, 17 Mei 2025, aan 'n kompetisie in Hopetown deelgeneem en merkwaardige prestasies behaal.

In die o.15-afdeling het Ryan Boucher 'n bronsmedalje gewen, Cherise April het 'n silwermedalje ingepalm en Caelyn Ngudle het die afdeling gewen met 'n gouemedalje.

In die o.17-afdeling het Patrick Kitengye 'n bronsmedalje verwerf, Alrique May het silwer verower, en Mbuyiselo Jnr. Madyo het sy uitmuntende vaardighede ten toon gestel deur die goue medalje huis toe te bring.

Die skool is trots op hierdie talentvolle leerders en hul toewyding aan die spel.