HSDA SPEEL UITHALER TENNIS

Vrydag, 19 Augustus het HSDA se tennisspelers die pad na Gariepdam gevat om teen Hoërskool Fichardtpark van Bloemfontein te speel.

ʼn Rustige atmosfeer het geheers maar daar is steeds ernstige tennis gespeel.

HSDA se dogters wen hulle enkels- en dubbelwedstryde, maar die seuns verloor net-net hul wedstryde.

HSDA se matrieks Marieké Steyn, André Theron, Vicky Coetzee en Jaco-Erik van der Merwe het ook hul laaste tennis vir HSDA gespeel.

Jaco en Vicky het in ʼn angswekkende gemengde-dubbelwedstryd gespeel waar hul net-net in die vaalbylpot verloor het.

HSDA sê dankie aan hierdie matrieks en wens hul sterkte toe vir die komende eksamen.