Rugby

🏉 HSDA KRAAI KONING IN DIE MEDIUMSKOLELIGA 🏉

Op Saterdag, 22 Augustus 2026, het die finaal van die mediumskoleliga by Suzuki Park in Kimberley plaasgevind. Dit was ’n dag vol spanning, trots en emosie, waartydens HSDA se rugbyspelers hul harte op die veld gelos het. Die o.17-span het ongelukkig hul wedstryd teen Hoërskool Prieska verloor, terwyl die o.15-span ook teen Hoërskool Douglas die knie moes buig. Al was dit nie die uitslae waarop hulle gehoop het nie, het albei spanne tot die einde toe moedig geveg en nooit moed opgegee nie. HSDA se o.15- en o.17-spanne eindig dus tweede in die mediumskoleliga vir die jaar – ’n besondere prestasie waarop elke speler baie trots kan wees!🥈 Die eerste span van HSDA het teen Curro Kathu te staan gekom. Dit was ’n ware naelbytstryd wat almal tot in die laaste sekondes op die punte van hul stoele gehad het! Die spelers het met ongelooflike vasberadenheid, moed en trots aangehou veg. Toe die eindfluitjie blaas, het HSDA met 42–35 gewen en is die eerstespan as die kampioene van die mediumskoleliga gekroon! 🏆🥇 Hierdie oorwinning is die resultaat van maande se harde werk, lang oefensessies, opoffering en deursettingsvermoë. Elke speler het sy deel gedoen en vir die span, die skool en sy spanmaats geveg. ’n Baie groot dankie aan ons borge, die gemeenskap, ouers, afrigters en elke persoon wat die seuns gedurende hierdie seisoen ondersteun, aangemoedig en in hulle bly glo het. Julle ondersteuning langs die veld en agter die skerms het vir die spelers meer beteken as wat woorde kan beskryf. Aan elke speler: dankie vir julle harde werk, toewyding en die trots waarmee julle HSDA verteenwoordig het. Julle het gewys wat dit beteken om tot die einde toe te veg en nooit moed op te gee nie. 💪 Baie geluk aan al drie ons spanne met ’n onvergeetlike seisoen. Julle het HSDA ongelooflik trots gemaak!

HS DE AAR SE TRIPPELTRIOMF LAAT HARTE TROTS KLOP

Hoërskool De Aar se rugbyspanne het Saterdag op Suzuki Park in Kimberley ’n besonderse hoofstuk in die skool se rugbygeskiedenis geskryf. Met moed, vasberadenheid en ongelooflike spanwerk het al drie spanne hul halfeindstryde gewen en plekke in die Mediumskolefinaal losgespeel. Die o.17-span het die dag op dramatiese wyse afgeskop toe hulle teen Wildeklawer te staan gekom het. In ’n ware naelbytstryd, waarin elke oomblik belangrik was, het die jong manne hul harte uitgespeel en met 17–14 geseëvier. Hul deursettingsvermoë en geloof in mekaar het uiteindelik die verskil gemaak. Die o.15-span het daarna die momentum voortgesit met ’n indrukwekkende vertoning teen Hoërskool HMO. Hulle het met groot selfvertroue en passie gespeel en ’n welverdiende oorwinning van 24–10 behaal. Die eerste span het die dag op ’n besonderse hoogtepunt afgesluit. Hulle het ’n kragtige vertoning teen Hoërskool Prieska gelewer en met 41–17 as wenners uit die stryd getree. Die spelers het nie net vir hulself gespeel nie, maar ook vir hul skool, afrigters, ouers en die hele De Aar-gemeenskap. Met hierdie drie oorwinnings het al drie HS De Aar se spanne vir die Mediumskolefinaal, wat komende Saterdag plaasvind, gekwalifiseer. Hoërskool De Aar is die enigste skool in die Noord-Kaap wat daarin geslaag het om al drie sy spanne na die finaal deur te stuur—’n ongelooflike prestasie waarop die hele skoolgemeenskap met reg trots kan wees. Die droom leef voort. Die trots is tasbaar. Komende Saterdag sal die manne van De Aar weer hul harte op die veld los—gereed om alles te gee en hul skool se naam met eer te verdedig.

🏉HSDA Rugby🏉

Hoërskool De Aar se rugbyspanne het Saterdag, 8 Augustus, in Kimberley gewys dat hulle beslis nie onderskat moet word nie. Al drie die skool se spanne het uitstekende oorwinnings in die ligakwartfinale behaal en daarmee hul plekke in die kwarteindstryd verseker. Die o.17-span het die dag op 'n opwindende wyse afgeskop en in 'n spannende kragmeting sterk karakter getoon om HMO met 19-14 te verslaan. Die span het deurgaans hard geveg en daarin geslaag om die oorwinning oor die lyn te dra. Die eerstespan het daarna die veld betree en 'n indrukwekkende vertoning gelewer. Met sterk aanvalswerk, goeie verdediging en uitstekende spanwerk het Hoërskool De Aar vir Hartswater met 'n klinkende 47-17 oorwinning geklop. Die o.15-span het die dag op 'n hoë noot afgesluit, met 'n besonderse vertoning teen Hoërskool Daniëlskuil. Die jong manne het hul staal gewys en met selfvertroue gespeel om 'n oortuigende 31-8 oorwinning te behaal. Die drie oorwinnings is 'n besonderse prestasie vir Hoërskool De Aar en getuig van die spelers se harde werk, vasberadenheid en trots in die skooltrui. Die afrigters, ondersteuners en hele De Aar-gemeenskap kan met reg trots wees op dié puik vertonings! Al drie spanne dring nou deur na die kwarteindstryd, wat die komende naweek vir nóg meer rugby-opwinding gaan sorg. Die seuns het hul plek verdien en sal nou alles in hul vermoë doen om hul indrukwekkende seisoen voort te sit. Die boodskap uit De Aar is duidelik: HSDA is op pad vorentoe – en hulle is nog lank nie klaar nie! Baie geluk aan al drie spanne! De Aar staan bankvas agter julle!

Rugby: Eerste Interskole - Hoërskool De Aar vs Hoërskool Adamantia

Saterdag, 1 Augustus, het Hoërskool De Aar met groot opgewondenheid aan ons eerste interskole teen Hoërskool Adamantia deelgeneem. Dit was 'n besonderse dag gevul met sportmangees, kameraadskap en opwindende rugby. Albei skole het uitstekende sportmanskap en vasberadenheid op die veld getoon, wat vir toeskouers 'n dag van gehalte-rugby besorg het. Ons is besonder trots op ons rugbyspanne wat puik vertonings gelewer het. Baie geluk aan Hoërskool De Aar se o.15-, o.17- en eerste rugbyspan, wat almal hul wedstryde suksesvol gewen het. Julle harde werk, dissipline en spanwerk het vrugte afgewerp en is 'n bewys van die toewyding van elke speler en afrigter. Baie dankie aan al die spelers, afrigters, beamptes, ondersteuners en ouers wat hierdie dag so besonders gemaak het. Julle entoesiasme en ondersteuning dra by tot die sukses van ons sport. 🎤 Mag hierdie eerste interskole die begin wees van 'n trotse tradisie en nog baie onvergeetlike sportgeleenthede!

De Aar High School Learner Selected for 2026 Grant Khomo Week

De Aar High School Learner Selected for 2026 Grant Khomo Week De Aar High School is extremely proud to congratulate Miviwe Sam on his outstanding achievement of being selected to represent the Hollywood Foundation Iqhawe Week XV at the 2026 Grant Khomo Week, which will be hosted at Kearsney College in Durban. On behalf of the South African Rugby Legends Association (SARLA) and the Hollywood Foundation, this selection is a remarkable honour and a true reflection of Miviwe's dedication, hard work, discipline, and rugby talent. Being chosen for such a prestigious opportunity is not only a proud moment for him but also for his family, teammates, coaches, and the entire De Aar High School community. We congratulate Miviwe on this well-deserved achievement. We are incredibly proud of him and wish him every success as he represents his school, community, and province on this exciting rugby stage.

🏉 Rugby: Pixley ka Seme Sparweek-spelers 🏉

Ons wil graag baie geluk sê aan die volgende spelers wat Woensdag, 20 Mei, aan die Sparweek-proewe op Prieska deelgeneem het en gekies is vir die Pixley ka Seme Sparweek-spanne.
o.17-span:
Joshua Sequeira
Tristan Arendse
Emihle Dhlamini
Olungako Sonkwala
o.15-span:
Qhawe Samson
Saeed Mukhadir
Lumko Gedezana
Sergio Eiman
Angelo Struis
Kevon Hugo
Joshua Claassen
o.15-uitnodigingspan:
Junior Modibedi
Abenati Noyana
Sibahle Khani
José Maclean
Saadiq Manuel
Neo Mosia
Mihle Tolong
Armando Aldeia
Jayden Mounton
Ons is ongelooflik trots op elke speler se harde werk, toewyding en sportmangees. Hierdie prestasie is welverdiend en ons wens julle alle sterkte toe vir die Sparweek. Hou aan hard werk, speel met trots en geniet elke oomblik!

🦅 Rugby proewe uitslae 🦅

Ons is ongelooflik trots op die seuns wat gekies is vir die verskeie Griekwaland-Wes provinsiale skolerugbyspanne. Dit is ’n besondere prestasie en ’n bewys van julle harde werk, toewyding en deursettingsvermoë op die rugbyveld.
o.16 VKB Platteland:
-Dihan du Toit
-Abiguno Steneveldt
o.18 Cravenweek:
-Duran Makoni
o.18 Akademieweek:
-Avuzwa Diamond
o.19 VKB:
-Cohlen Isaacs
-Landon Oliphant
-Ryan Pieterse
-Sergio Louw
-J.P. van der Westhuizen
Ons wens elke speler baie sterkte toe met die voorbereiding en die toernooie wat voorlê. Mag julle elke geleentheid aangryp, julle talent uitleef en met trots julle skool, families en gemeenskap verteenwoordig. Baie geluk, manne — ons is trots op julle!🦅

🦅 Hoërskool De Aar-rugby blink uit in koue weersomstandighede 🦅

Hoërskool De Aar se rugbyspanne het gedurende die week uitstekende rugby gelewer en met trots hul skool se naam hoog gehou. Op Dinsdag 5 Mei het Hoërskool De Aar teen Hoërskool Hopetown te staan gekom. Ten spyte van koue weersomstandighede het die spelers hard gewerk, mooi aangepas en goeie spanwerk getoon. Die uitslae was soos volg: Die o.15-span wen 47–19, die o.17-span wen 26–7 en die eerste span behaal ’n oortuigende oorwinning van 47–10!
Op Saterdag 9 Mei het Hoërskool De Aar teen Kimberley Boys’ High gespeel. Die wedstryde is weereens in koue weer gespeel, maar die spelers het nie teruggestaan nie. Hulle het met vasberadenheid gespeel en mooi by die omstandighede aangepas. Die o.15-span wen 26–12, die o.17-span lewer ’n puik vertoning en wen 62–5, terwyl die eerstespan ook sterk afsluit met ’n wen van 43–12. Die harde werk, dissipline en goeie sportmangees was duidelik sigbaar op die veld. Baie geluk aan elke span met hierdie besondere prestasies!

🏉 Rugby: Hoërskool De Aar vs Hoërskool Colesberg 🏉

Woensdag 29 April het Hoërskool De Aar en Hoërskool Colesberg kragte gemeet in ’n opwindende dag van positiewe, hardlooprugby. Die wedstryde is in goeie gees gespeel en het gesorg vir lekker vermaak langs die veld.
HSDA se o.15B-span het ’n dapper poging aangewend, maar het ongelukkig net-net nie die mas opgekom nie. Die span het egter uitstekende veggees getoon en tot in die laaste minuut van die wedstryd aangehou baklei.
Die HSDA Barbarian-span (o.17) is vroeg in hul wedstryd onder hewige druk geplaas deur ’n sterk Colesberg-span. Tog het hulle hul koppe mooi gehou en met doelgerigte, aanvallende spel teruggeveg. Hul deursettingsvermoë het vrugte afgewerp, en hulle het uiteindelik die wedstryd oortuigend gewen met ’n telling van 27–12.
Ons is ongelooflik trots op al die spelers wat hul beste gegee het en nooit opgegee het nie. Hierdie wedstryde het nie net talent gewys nie, maar ook karakter en spanwerk.

🏉 HSDA VS Hoërskool Middelburg 🏉

Hoërskool De Aar het op Saterdag, 25 April, vriendskaplike wedstryde teen Hoërskool Middelburg gespeel op ’n koue, maar opwindende dag. Ten spyte van die koue weer het die spanne uitstekende rugby gelewer, en die wedstryde is in ’n baie goeie gees en met voorbeeldige dissipline gespeel. Die uitslae was as volg:
o.15A: Hoërskool De Aar wen 46–7
o.19A: Hoërskool De Aar wen 65–7
Dit was ’n dag van trots vir Hoërskool De Aar, met sterk spanwerk en goeie sportmanskap wat duidelik na vore gekom het.

🏉 HSDA VS Vaalharts 🏉

Hoërskool De Aar het Saterdag, 18 April, na Jan Kempdorp gereis vir hul rugbywedstryde teen Hoërskool Vaalharts en dit was beslis ’n dag vol aksie en opwinding op die veld! Die o.17-span het hard geveg en goeie karakter gewys, maar moes ongelukkig die knie buig teen ’n sterk Vaalharts-span met ’n telling van 36-7. Despite the loss, the boys showed determination and never gave up until the final whistle. Die o.15-span het egter voortreflik die toon aangegee met ’n indrukwekkende oorwinning van 72-0 behaal. Hulle het van die eerste minuut af hul krag gewys en uitstekend saamgespeel. Die dag is afgesluit met ’n ongelooflike vertoning deur die eerstespan van Hoërskool De Aar, wat hul teenstanders heeltemal oorheers het met ’n verdienstelike 75-0 oorwinning. The team displayed skill, speed and teamwork of the highest standard. Well done boys, keep the momentum going for the season ahead!🦅

🏉 Rugby: Proewe 🏉

Baie geluk aan die volgende seuns wat Woensdag, 8 April, aan die proewe in Prieska deelgeneem het en gekies is vir die Pixley ka Seme-streekspan. Die spelers het die afgelope naweek ook aan die plattelandproewe in Upington deelgeneem. Ons is ongelooflik trots op julle! 👏
o.15: Neo Mosia, Sibahle Khani, Angelo Struis, José Maclean, Qhawe Samson, Saeed Mukhadir
o.16: Dihan du Toit Sakhe Mhahambi Abiguno Steneveldt
o.18: Landon Oliphant, Ryan Pieterse, Sergio Louw, Duran Makoni, J.P. van der Westhuizen, Myron Maclean, Avuzwa Diamond, Cohlen Isaacs, Waylon Siljeur, Waylen Naudé, Johandré Ungerer
o.19: Zuko Rubushe, Ethan Britton, Onako Nzeku

🏉 o.15-span blink uit by Fichardtpark-toernooi in Bloemfontein 🏉

Hoërskool De Aar se eerste rugbyspan het van 30 Maart tot 2 April aan die Namgola Cup-toernooi in Parys deelgeneem, waar hulle hulself uitstekend van hul taak gekwyt het. In hul openingswedstryd het De Aar teen Hoërskool Hoopstad te staan gekom, maar is met 12–7 geklop in ’n taai en kompeterende wedstryd. Die span het egter sterk teruggeveg en in hul tweede wedstryd ’n oortuigende oorwinning van 35–7 teen Hoërskool Vryheid behaal. De Aar het daarna deurgedring na die NAM-CUP Plaatfinaal, waar hulle teen Hoërskool Brandfort kragte gemeet het. Met uitstekende spanwerk en deursettingsvermoë het hulle die wedstryd met 28–12 gewen en die Plate-titel ingepalm. Die toer het nie net sportiewe sukses opgelewer nie, maar ook bygedra tot spanbou en samehorigheid onder die spelers. Die span spreek hul opregte dank uit aan oom Jaco Burger en Johan de Wet vir die heerlike ete wat hulle Dinsdagaand vir die spelers voorgesit het. Hierdie gebaar van ondersteuning is opreg waardeer.

🏉 o.15-span blink uit by Fichardtpark-toernooi in Bloemfontein 🏉

Die o.15-rugbyspan het van 27 tot 30 Maart na Bloemfontein getoer waar hulle aan Hoërskool Fichardtpark se jaarlikse rugbytoernooi deelgeneem het. Die toer was ’n groot sukses en het waardevolle wedstryd-ervaring en spanbougeleenthede aan die spelers gebied. Die span het uitstekend presteer en sterk vertonings gelewer teen gedugte opponente. In hul eerste wedstryd het HSDA oortuigend geseëvier oor HTS Louis Botha met ’n telling van 24–5. Hulle het hul goeie vorm voortgesit met ’n indrukwekkende oorwinning van 40–12 teen Hoërskool Voortrekker se XV-span. In hul laaste wedstryd het HSDA kragte gemeet met Hoërskool Henties Cilliers in ’n spannende stryd wat geëindig het in ’n gelykop telling van 17 elk. Die span kan met reg trots wees op hul prestasies en die wyse waarop hulle hul skool verteenwoordig het. Hierdie toer sal beslis bydra tot hul verdere ontwikkeling vir die res van die seisoen.

HSDA rugby teen Hoërskool Hartswater

Hoërskool De Aar het op Saterdag, 21 Maart, hul eerste ligawedstryd van die seisoen teen Hoërskool Hartswater gespeel – en dit was ’n dag vol opwindende en mededingende rugby. Die o.15B-span het in ’n naelbytstryd ongelukkig met 26–19 vasgeval. Ten spyte van die nederlaag het die span groot deursettingsvermoë getoon en tot die einde toe druk toegepas. Die o.15A-span het egter sterk teruggeslaan en ’n oortuigende oorwinning van 36–7 behaal. Hulle het van vroeg af die tempo bepaal en uitstekende spanwerk gelewer. Die o.17-span het ook hul merk gemaak met ’n goeie 24–14 sege, waar hulle deurentyd beheer van die wedstryd behou het. Die dag is afgesluit met ’n indrukwekkende vertoning deur die eerstespan, wat met 29–14 geseëvier het. Hulle het met selfvertroue gespeel en hul kanse goed benut. Dit was ’n wonderlike dag van skolerugby met baie opwinding en goeie sportmanskap op die veld. Hoërskool De Aar kan met trots terugkyk op ’n suksesvolle begin van hul liga-seisoen.

Opwindende Rugby by Bloemfontein se sportdag

Hoërskool De Aar het op Saterdag, 7 Maart aan Hoërskool Bloemfontein se sportdag, waar daar goeie rugby gespeel is, deelgeneem. Die spelers het met groot geesdrif en vasberadenheid op die veld verskyn en vir opwindende wedstryde gesorg. Die o.15-span van Hoërskool De Aar het ’n uitstekende vertoning gelewer en Hoërskool Bloemfontein oortuigend met 40–5 geklop. Die o.16-span het ook sterk gespeel en ’n goeie oorwinning van 24–15 teen Hoërskool Bloemfontein behaal. Die eerstespan het in ’n baie spannende wedstryd teen HTS Louis Botha te staan gekom. Dit was ’n taai en gelykop stryd, maar Hoërskool De Aar het ongelukkig naelskraap met 28–26 verloor. Baie geluk aan al die spelers met hul harde werk en sportmanskap op die dag.

Rugby teen Hoërskool Sentraal

Saterdag, 21 Februarie, was ’n heerlike warm rugbydag in Beaufort-Wes waar Hoërskool De Aar kragte teen Hoërskool Sentraal gemeet het. Die son het behoorlik gebak, maar dit het nie die geesdrif op die veld gedemp nie. Ondersteuners het langs die veld saamgedrom en met trots hul spanne aangemoedig. Die dag het afgeskop met die o.15B-span wat alles gegee het. Ten spyte van goeie spanwerk en vasberadenheid moes hulle ongelukkig die knie buig met ’n telling van 17–28. Die seuns het egter karakter gewys en tot die laaste fluitjie baklei. Die o.15A-span het daarna die veld betree en gewys wat in hulle steek. Met sterk verdediging en mooi drieë het hulle ’n welverdiende 19–8 oorwinning behaal. Dit was ’n wedstryd vol energie en slim spel. Die o.17-span het voortgebou op die momentum en met selfvertroue gespeel. Hulle het die wedstryd beheer en uiteindelik oortuigend gewen met 26–10. Dit was duidelik dat goeie voorbereiding en spanwerk die verskil gemaak het. Die hoogtepunt van die dag was beslis die eerstespan se wedstryd. Met passie, dissipline en uitstekende samewerking het hulle ’n indrukwekkende 26–7 oorwinning behaal. Die verdediging was rotsvas en die aanvalle skerp en doelgerig. Dit was ’n vertoning wat die ondersteuners trots gemaak het. Dankie ook aan die ondersteuners wat die dag so spesiaal gemaak het.