Tennis

🎾 Spanningsvolle tennisdag op De Aar bring geen wenner nie 🎾

Op 17 Augustus 2026 het Hoërskool De Aar (HSDA) en Hoërskool Hopetown mekaar die stryd aangesê op De Aar se tennisbane. Die dag is gekenmerk deur sterk spel, volharding en ware sportmanskap. Die wedstryd was uiters mededingend en het tot die laaste gemengde dubbelpunt spanning gebring.
Uitslae per afdeling:
• Seuns: HSDA wen die enkelspel 3–1, maar verloor die dubbelspel 1–2.
• Dogters: Die enkelspel eindig gelykop 2–2, terwyl Hopetown die dubbelspel 2–1 wen.
• Gemengde dubbels: Albei skole speel uitstekend en deel die punte met 2 elk.
Eindtelling:
HSDA 9 – 9 Hoërskool Hopetown
Die gelykop-uitslag weerspieël die balans van krag tussen die twee skole. Albei spanne het hul beste gelewer en die toeskouers het ’n dag van topklas tennis geniet!

🎾 TENNISUITSLAE: HSDA vs. BURGERSDORP

HSDA se tennisspanne het op Vrydag 14 Augustus uitstekend teen Hoërskool Burgersdorp gevaar. In die enkelwedstryde het die seuns met 8–0 en die dogters met 4–0 geseëvier. In die dubbelwedstryde het die seuns met 3–0 en die dogters met 2–0 gewen, terwyl HSDA die gemengde dubbelwedstryde met 4–0 beklink het. ’n Puik vertoning deur HSDA se tennisspelers. Baie geluk!

🎾 Tennis 🎾

Drie van HSDA se tennisspelers het tussen 28 Februarie en 1 Maart 2026 Noord-Kaap Tennis by die Synergy Cup in die Wes-Kaap verteenwoordig. Handré Fourie het die o.15-span in Kaapstad verteenwoordig, terwyl JP vd Westhuizen en Christine Bester deel was van die o.19-span wat in die Paarl en Stellenbosch gespeel het. Hierdie spelers en spanne het hulle harte uitgespeel en Hoërskool De Aar sowel as die Noord-Kaap provinsie besonder trots gemaak. Beide die o.15- en o.19-Noord-Kaapspan het ’n tweede plek behaal en sodoende silwermedaljes verower.🥈 HSDA is ongelooflik trots op hierdie spelers en hul prestasies.

🎾 Tennisuitslae | HSDA in Aksie! 🎾

Die tennisspanne van HSDA het onlangs weer hul staal gewys met puik vertonings teen sterk teenstanders. Teen Hoërskool Douglas het HSDA oortuigend met 63–49 geseëvier. Die span het van die begin af die tempo bepaal en met selfvertroue en goeie spanwerk hul oorheersing op die baan bevestig. Teen Hoërskool Hopetown was dit ’n lekker kompeterende wedstryd met goeie tennis van albei kante. HSDA het tot die einde toe sterk gebly, maar moes uiteindelik met ’n klein verskil van 73–77 die wedstryd afstaan. Die spelers kan trots wees op hul veggees, deursettingsvermoë en sportmanskap. HSDA se tennis lyk belowend, en die span bou sterk momentum vir die res van die jaar.

HSDA Tennis

HSDA se eerste dogters- en seunstennisspan het tweede 🥈 geëindig in die A-liga van die jaarlikse VNK-tennistoernooi wat op Burgersdorp plaasgevind het. Die tweede seunstennisspan het die B-liga 🥇 gewen! 🏆